مقالة للرد على كل من يتهم الاقباط باهدار حق الشهيد مينا دانيال

                                                      مقالة للرد على كل من يتهم الاقباط باهدار حق الشهيد مينا دانيال



بقلم ياسر يوسف :

اوعوا تنسوا مينا دانيال

هذا سؤال يبتزنا به الاخوان لأننا لا نرضي بدولتهم الدينية وتسليمهم مصر سكن مفروش

وانا اقول اوعوا تكونوا فاكرين اننا نسينا لما قولتوا علي شهدا ماسبيرو بلطجية وان الأقباط هجموا ع الجيش المصري المسلم

فاكرين ولا فقدان الذاكرة عندكوا.
اوعوا تكونوا فاكرين اننا ننسي او لا نعرف من وراء كل حوادث العنف الطائفي وحوادث قتل الاقباط

اوعوا تكونوا فاكرين اننا لا نعرف من سمم الشارع المتسامح وزرعه بالتطرف

اوعوا تفتكروا ان خطايا الارهاب تسقط بالتقادم او بالتوبة امام مأمور السجن

اوعوا تفتكروا ان مينا دانيال اول واحد و احنا عارفين انه مش اخر واحد.
اوعوا تفتكروا اننا هنصدق دموع التماسيح وتلون الحرباء

اوعوا تفتكروا ان الاقباط بينسوا الشهدا دا احنا تاريخنا اسمه تاريخ الشهدا

مينا دانيال شهيد في طابور طويل بدأ من سنين
اوعوا تفتكروا اننا نسينا شهدا الكشح وشهدا الفكرية وديروط وصنبو والإسكندرية والمنيا وطما ونجع حمادى وفي كل بلد في الوادى

اوعوا تفتكروا اننا نسينا كنائس صول وامبابة والمريناب وكل الكنائس اللي اتقفلت قبل ما تتفتح وكلام الأفاضل انه لا كنائس تبنى في مدن جديدة انتوا عارفين كام قرية مفيش فيها ولا كنيسة وان فيه كنائس بتخدم عشرين بلد يا بلد

اوعوا تفتكروا اننا نسينا لما رحتوا وحاصرتوا الكاتدرائية وهتفتوا ضدنا وكان أبونا البطرك جوا ودلوقت عاوزين أصواتنا ..

أوعوا تفتكروا اننا نسينا مهزلة محافظ قنا القبطى ولما مرسي طلع وقال هاعين نائب قبطى ثم قال بصوت منخفض ان امكن ومع ذلك قامت الدنيا ولم تقعد وقولتوا لا يجوز رغم ان كلام مرسي فض مجالس وكلام مائع

اوعوا تكونوا صداقتنا تمثيلية ايد واحدة وان حقوق الإقباط متصانة ..كنا شفنا اي حاجة من مجلس الشعب ولا نواب الشعب

دلوقت افتكرتوا مينا دانيال يا تجار الأديان

افتكرتوا دم الشهدا يا بياعين الدم

تجارتكم خاسرة

الصورة لصناديق شهداء الإقباط هل تذكرتم الان من اجل صناديق الانتخابات ؟؟

لا تعليق اخر عندى
ياسر يوسف